AN LAS ! An mémwa a Klodo

An las
kriyé Soukou
Ki fè an trapé lenflanmasyon an gòj An las
Mété jounou a tè Pou pléré mò an nou
Pou priyé on bondyé Ki p’a tann ayen An las
Santi jou an jou
Jan yo ka pijé gangannèt an-nou Jan Karenm
apré karenm
Zozyo malfini ka planni asi bannzil la
Pou bèkté sèvèl an-nou
Asèlfen
rann nou bwak
Moun san rasin san konprinèt An las
Santi jan nou pri adan néganmach
Dèpi katsan lanné
An las
Vwè moun natif-natal ka kouri vann nou
Pou on kwi pousyé soley mò
An las
Vwè nou sèvi bwabwa an bankannal a yo
An las vwè nou rété bwa pann
lè yo ka kyouyé zanfan bannzil an-nou kitan
kitan nou ké pran chimen kòsyè tras
koulé granchimen
janbé ma rivyè lanmè pou
zozyo chanté on dot jan an lilèt an-nou
Jean Michel Palin