Eritaj ! Pou Jaklyn.J, épi tout bonnelo Fondal-Ka la
lonè épi respé
pou tout gangann nèg
yo chayé anchéné
déotwa plenndlin
an mitan banjogita a lanmè an
boulvés
jik an bannzil annou
pou mété yo an pikèt sijésyon
ibos
congos
mocos
bambaras
aradas
sosos
caplaous
nagos dandas
sénégals
mandingues
nèg giné
loné épi respé
ba yozorey janm koupé do flangé
do maké
modé a chyen
moun ki pa té moun
an tè brital a lestravaj
lésé an kwi a vi annou
graj
pad janbel
toumblak
léwoz
menndé
kalagya
woulé
sobo
pou nou pé dansé chanté
mizè é plézi...
dansé chanté
dousin pou moun annou
belté a bannzil la
loné respépou tout tanbouyé