Hommage à la camarade Simone Damator à l’occasion de son 80e anniversaire
Le 22 septembre dernier, les amies et camarades de Simone Damator ont profité de son anniversaire pour lui rendre un hommage bien mérité, entourée de ses enfants et de ses proches. Ce fut une soirée sympathique autour des 80 ans de Simone et d’un agréable dîner offert par ses enfants. De nombreux souvenirs allant de ses contacts humains à ses activités militantes ont été évoqués qui ont ravi et ému l’assistance. Pour clôturer, un vibrant «International» plein d’ardeur, et repris en boucle par les jeunes femmes qu’elle accompagne depuis des années, comme pour dire à Simone : «nou la osi, nou ka vini».
INTERVENTION DE LA DELEGATON DE LA SECTION COMMUNISTE
Chère Simone,
Notre amie, notre camarade, notre coéquipière, notre soeur de combats. Aujourd’hui tu as franchi gaillardement la ligne jaune des quatre-vingts ans. C’est un bel âge et cela se fête.
Nous saisissons l’occasion de cet anniversaire pour te témoigner toute la satisfaction, tout le plaisir que nous avons eu de travailler ensemble, de partager nos joies et nos peines. Nous avons décidé de te dire, en présence de tes enfants et de ta famille, les sentiments très forts que nous avons pour toi et surtout sur quelle base nous avons construit ces sentiments de profonde amitié, de franche camaraderie, de joie de vivre et de lutter ensemble pour un avenir meilleur.
Nous sommes fiers de toi car tu incarnes la victoire de la pauvreté, du travail, du courage, sur la société de prébendes, de paresse, d’oisiveté et de vice, sur la société capitaliste, la société des pwofitan.
Ou sé on maléréz ki goumé pou lévé 9 pitit aw. Ou chayé sann an panyé, raket an sak min ou pa jen koubé léchin douvan mizè a la vi, pas ou chwazi kan aw. Van vanté, Kokoyé vèt tombé min ou rété jouké adan la lit pou rann vi an nou méyè, pou zanfan Gwadloup touvé travay an péyi a yo, pou yo pé okipé dè avèni a yo é de vi a fanmi a yo.
Simone, ou sé on ti hach ki ka koupé gwo bwa. Non sèlman travay pa jan fèw pè, men ou touvé mwayen dè té ni tan é fos pouw té milité o sérié adan dé owganizasyon ki maké vi a la Gwadloup. Jodijou ou sé on vétéran an aktivité a l’Union des Femmes Guadelou-péennes é o Parti Communiste Guadeloupéen. Ou lité a koté a fanm Gwadloup pou nou té raché méyè kondisyon dè travay é sa yo ka kriyé «droits sociaux» kon Sécurité sociale, congés de maternité, allocations familiales, retraite des vieux travailleurs, dwa a fenm dè pé travay é jéré lajan a yo… Ou pa manké ponw konba pou té wouvè zyé a manman zanfan. Pa examp komba nou menné pou nou té raché lisé a Sentann et avan sa, prèmyé kolèj a Sentann. Men sa ké two long pou nou sité yo tout.
Poutan la vi paté jenti avew. Ou pran kalot rèd, min ou toujou rèbondi. Mi sé sa ki on fanm doubout, on fanm poto-mitan, ki kimbé kaz la doubout, ki an bo tan, ki an mové tan.
Jodi jou nou sav ou ti bwen fatigé. Sa nowmal pas ou ja byen roulé. Men nou kontan dè vouèw ankô byen doubout, é nou soulajé dè diw jodila kè nou inméw tou plen, tou plen.
Vi an nou té rèd men i té bèl osi, pas nou ka kwè adan on avèni méyè kè nou préparé avè les zot zanmi é kanmarad.
Mèsi Simone pou lé ti moman dè ri o zécla nou téka ni, menm lè nou té ja las travay, pas ou té ni dé ti pawol pikan ou té ka di é nou téka oubliyé tout penn.
Simone, la militante, la battante, ou sé on examp pou fanm Gwadloup. Timoun aw pé èt fyer dè manman yo, é ayen pa té ké pli bèl kè yo pwan flanbo la an men aw.
O swè la Jacqueline, Florent, Régina é mwen menm nou vin diw o non a tou lé zanmi é kanmarad aw : «Heureux anniversaire et longue vie parmi nous !».