AWA Pou pèp palestinyen

Awa
An péké liyanné vwa an mwen
Evé ta on pakèt malfété
Ka pléré gro dlo
Zyé a yo sèk
Menm jan ki Ma Badlil an karènm
Awa
Sé sé menm bann malfétè
Ki rédé on pèp chiktayè
Pou viv an péyi La PALESTINE
I pran lèv
Lanné apré lanné
Doukou apré doukou
Pou délojé moun Palestine
An tè a yo
Pran dlo a yo
Pou yo planté yenki woch
Jiktan yo rété kon malpapay
Davwa
Kribich an rivyè pa konèt soufwans
A kabrit doubout asi woch an Tè rèch Galèt
Afos
Tribilasyon
Maché on men douvan
On men dèyè
Mandé chyen on mòso pen rasi
Atann on tanpisouplé a sé malfétè la
Ki enstalé pèp chitayé an tè a yo
Sanmdi 7 oktob 2023
Avan menm douvanjou
Pitité an matris a syèl
On bann zozyo sòti GAZA
Pou di tout malfété
NOU JA MOUYÉ NOU FOUBEN PISÉ
12 oktob 2023